Навукоўцы пацвердзілі, што пад Смалявічамі знайшлі метэарытныя аскепкі
Метэарыт / t.me/smolevichi_mp/
Навукоўцы пацвердзілі, што пад Смалявічамі знайшлі метэарытныя аскепкі, паведаміў тэлеканал АНТ. Даследаванні праходзілі ў расійскай лабараторыі. Яны будуць працягвацца. Пасля іх заканчэння аскепкі вернуцца ў Беларусь.
Нябеснае цела ўпала каля Смалявічаў 25 снежня 2024 года ў 17:29. Яго аскепкі шукалі валанцёры і энтузіясты. Вага аскепкаў — ад 10 грамаў да 1 кілаграма. Метэарыт, які ўпаў пад Мінскам, стаў шостым зарэгістраваным касмічным аб'ектам на тэрыторыі Беларусі.
Метэарыт, які ўпаў пад Мінскам, атрымаў назву "Смалявічы" — у гонар горада, каля якога яго шукалі.
