Навукоўцы знайшлі планету, вельмі падобную да Зямлі
Па словах астраномаў, гэта планета падобная да нашай як ніякая іншая з вядомых навуцы.
Планета, якая атрымала назву "Кеплер-186-F", знаходзіцца ў так званай "заселенай зоне" — на такой адлегласці ад зоркі, дзе ёсць спрыяльныя ўмовы для ўзнікнення жыцця.
Там не дужа холадна і не дужа горача. І навукоўцы мяркуюць, што на паверхні планеты можа быць вада ў вадкім выглядзе — гэта з'яўляецца ключавой умовай магчымасці развіцця жывых арганізмаў.
Зорка, вакол якой круціцца планета, знаходзіцца на адлегласці прыкладна ў 500 светлавых гадоў ад Зямлі, адзначае ВВС. Сама зорка крыху меншая і халаднейшая за Сонца. А планета, наадварот, крыху большая за Зямлю — прыкладна на адну дзясятую частку.
Фота — hq-wallpapers.ru
