Памежслужба Украіны: у Беларусі засталося каля 3 тыс. наймітаў “Вагнера”
ПВК "Вагнер"
Каля трох тысяч наймітаў ПВК “Вагнер” засталіся ў Беларусі, сказаў прадстаўнік Дзяржпамежслужбы Украіны Андрэй Дземчанка ў эфіры тэлемарафону на ўкраінскіх каналах.
Некалькі месяцаў таму гэта колькасць была ўдвая большай.
Сітуацыю, што склалася, Дземчанка назваў выгаднай для Украіны. На яго думку, у Расіі недастаткова сіл на тэрыторыі РБ для паўторнага наступу ці стварэння правакацыі.
