Памёр былы гулец зборнай Беларусі па футболе Дзяніс Коўба
Дзяніс Коўба / прэс-служба "Крылаў Саветаў"
Былы футбаліст зборнай Беларусі Дзяніс Коўба памёр ад каранавіруса на 43-м годзе жыцця, паведамляе клуб "Крылы Саветаў".
Інфармацыю пра смерць футбаліста пацвердзіла і яго былая жонка Надзея Коўба.
Выступаючы за самарскі клуб "Крылы Саветаў", Коўба правёў 260 матчаў і забіў 8 галоў. За зборную Беларусі Коўба правёў 36 матчаў, забіўшы два галы. Футбаліст выступаў таксама за віцебскі "Лакаматыў", украінскія клубы "Зорка" і "Александрыя", чэшскую "Спарту", з якой стаў чэмпіёнам краіны, і падмаскоўныя "Хімкі".
Дзяніс Коўба нарадзіўся ў 1979 годзе ў Віцебску, дзе і пачаў гуляць у футбол. Са студзеня 2020 года ён працаваў галоўным трэнерам дубля "Віцебска".
