Парашэнка забараніў супрацоўніцтва з Расіяй у ваеннай сферы
Такую заяву прэзідэнт Украіны зрабіў на пасяджэнні Савета нацыянальнай бяспекі і абароны.
Пра гэта паведаміў першы віцэ-прэм'ер-міністр Украіны Віталь Ярэма, перадае УНІАН. Па яго словах, з гэтага дня Украіна спыніла любое супрацоўніцтва ў сферы ваенна-прамысловага комплексу з Расійскай Федэрацыяй.
Нагадаем, што напярэдадні краінам АДКБ рэкамендавана перавесці ваенныя замовы з украінскіх прадпрыемстваў у дзяржавы-сябры арганізацыі. У АДКБ уваходзяць Арменія, Беларусь, Казахстан, Кыргызстан, Расія, Таджыкістан.
Фота — УНІАН
