ПАСЕ заклікае рэжым Лукашэнкі спыніць рэпрэсіі і вызваліць палітвязняў
Святлана Ціханоўская і прэзідэнт ПАСЕ Тэадорас Русопулас / twitter.com/Tsihanouskaya
Парламенцкая асамблея Савета Еўропы заклікае рэжым Аляксандра Лукашэнкі спыніць рэпрэсіі і вызваліць палітвязняў. 25 студзеня на сэсіі арганізацыі ў Страсбургу была прынятая адпаведая рэзалюцыя. Перад гэтым выступіла кіраўніца Аб'яднанага пераходнага кабінета Святлана Ціханоўская і адбыліся дэбаты па сітуацыі ў нашай краіне.
ПАСЕ нагадвае пра фальсіфікацыю вынікаў прэзідэнцкіх выбараў 2020-га ў РБ і пра тое, што пасля гэтага сітуацыя з правамі чалавека толькі пагаршаецца. "Рэпрэсіі рэжыму Лукашэнкі супраць беларускага народа настолькі сур'ёзныя, шырока распаўсюджаныя і сістэматычныя, што могуць быць прыроўненыя да злачынстваў супраць чалавечнасці і патрабуюць поўнай адказнасці ў адпаведнасці з унутраным і міжнародным правам", — гаворыцца ў дакуменце. У ім адзначаецца, што рэжым у Мінску таксама "ўяўляе пагрозу міжнароднаму міру і бяспецы".
Joining the Council of Europe @CoE will be our first step on #Belarus' path to the European Union , I said today in my address to the PACE winter session. I know it’s bold. I know it’s ambitious. But I don't know any reason why we shouldn't start developing the roadmap now. pic.twitter.com/pRfeBLEnOJ
— Sviatlana Tsikhanouskaya (@Tsihanouskaya) January 25, 2024
