Пенсіянерка правалілася ў 12-метровы калодзеж на Стаўбцоўшчыне
![Пенсіянерка правалілася ў 12-метровы калодзеж на Стаўбцоўшчыне](/sites/default/files/styles/gallery_main/public/2023-08/kalodziezh-1204-1.jpg.webp?itok=MX-jnPRv)
11 красавіка ў 14.41 ратавальнікам паведамілі, што ў вёсцы Новы Свержань у Стаўбцоўскім раёне ў калодзеж праваліўся чалавек, паведамляе прэс-служба МНС.
Дыспетчар МНС дадаткова паведаміў пра здарэнне старшаму прапаршчыку ўнутранай службы Яўгену Клімовічу, які пражывае ў гэтай вёсцы. Мужчына быў вольны ад службы, але прайшоў па названым адрасе. Там ён пабачыў, што на дне 12-метровага калодзежа (узровень вады 1 метр) знаходзіцца 63-гадовая пенсяінерка. Жанчыну знайшоў яе муж, які і затэлефанаваў у МНС.
Сама жанчына была ў прытомнасці. Клімовіч дапамог мужу пацярпелай зняць надбудовы калодзежа. Пакуль ехалі ратавальнікі, ён вёў размову з жанчынай, якая правалілася ў калодзеж, каб тая не страціла прытомнасць.
Ратавальнікі дасталі жанчыну з дапамогай спецыяльных інструментаў. Лекары шпіталізавалі яе ў рэанімацыйнае аддзяленне лякарні ў цяжкім стане.
![Пенсіянерка правалілася ў 12-метровы калодзеж на Стаўбцоўшчыне](/sites/default/files/paragraphs/image/kalodziezh-1204-2.jpg)