Прайшло лёсаванне 1/4 фіналу футбольных Лігі чэмпіёнаў і Лігі Еўропы

17 сакавіка ў штаб-кватэры УЕФА прайшло лёсаванне 1/4 фіналу футбольнай Лігі чэмпіёнаў. Вызначаны наступныя пары: "Рэал" — "Чэлсі", "Інтэр" — "Бенфіка", "Манчэстар Сіці" — "Баварыя" і "Мілан" — "Напалі".

Першыя матчы прызначаны на 11-12 красавіка, другія — на 19-20 красавіка. 

Далей пераможца пары "Мілан" — "Напалі" выходзіць на пераможцу пары "Інтэр" — "Бенфіка", а наймацнейшы ў супрацьстаянні "Рэала" і "Чэлсі" сустрэнецца з пераможцам пары "МанСіці" — "Баварыя".

Вынікі лёсавання 1/4 фіналу Лігі Еўропы: "Манчэстар Юнайтэд" — "Севілья", "Ювентус" — "Спортынг", "Баер" — "Юніён", "Фейенорд" — "Рома". Першыя матчы гэтага раўнда пройдуць 13 красавіка, у адказ — 20 красавіка.