Прысуд Юрыю Данькову абвесцяць 23 снежня

Пра гэта інфармуе БелаПАН са спасылкай на Вярхоўны суд.

2 снежня дзяржабвінаваўца папрасіў асудзіць бізнэсоўца на 9 гадоў пазбаўлення волі з канфіскацыяй маёмасці.

Юрыя Данькова затрымалі 4 верасня 2012 года. Яго вінавацілі ў стварэнні ўмоваў для занятку прастытуцыяй. Таксама бізнэсоўца вінавацілі ва ўхіленні ад падаткаў са студзеня 2007-га па верасень 2012 года, што пацягнула шкоду дзяржаве ў асабліва буйным памеры ў агульнай суме 918,1 млн рублёў. Сярод іншых абвінавачанняў была падробка дакументаў, уцягванне жанчын у прастытуцыю, дапамога ў фальсіфікацыі доказаў па грамадзянскай справе ды інш.

Суд над Юрыем Даньковым пачаўся 18 верасня. Ці было падчас суда перакваліфікаванае абвінавачванне, не вядома, бо працэс ішоў у закрытым рэжыме.

Фота — egida.by