Рашэнне пра падаражанне ў жніўні праезду ў транспарце пакуль не прынятае
Пра гэта паведаміў намеснік прэм'ер-міністра Анатоль Калінін.
Некалькі месяцаў таму чыноўнік паведамляў, што ў жніўні могуць павялічыцца тарыфы на перавозкі на гарадскім пасажырскім транспарце.
Цяпер, па яго словах, гэтае пытанне знаходзіцца ў распрацоўцы. Калінін адзначыў, што цяперашнія тарыфы на пасажырскія перавозкі не пакрываюць усіх выдаткаў, перадае БЕЛТА. Каля 40% выдаткаў пакрывае насельніцтва, астатняе — гэта нагрузка на бюджэт.
Цяпер за праезд у гарадскім пасажырскім транспарце ў абласцях трэба заплаціць 3200 рублёў, у Мінску — 3700 рублёў.
Фота — tyt.by
