Расійскі мільярдэр Раман Абрамовіч атрымаў ізраільскі пашпарт
Расійскі мільярдэр Раман Абрамовіч атрымаў ізраільскі пашпарт, паведамляе meduza.io са спасылкай на СМІ Ізраіля. 28 траўня ён прыляцеў на сваім самалёце ў Тэль-Авіў. У ізраільскай сталіцы ў прэстыжным раёне Абрамовіч купіў дом, у якім збіраецца жыць. Мяркуецца, што ён будзе самым багатым чалавекам у Ізраілі.
Раману Абрамовічу 51 год. Ён — ураджэнец Саратава. Вядома, што дзядуля і бабуля Абрамовіча (Нахім і Тойбэ Лейбовічы) ў пачатку ХХ стагоддзя жылі ў Беларусі. У 1990-я свой капітал бізнесмен зарабіў на гандлі нафтай і нафтапрадуктамі. Быў губернатарам Чукоцкай аўтаномнай акругі, кіраваў мясцовай Думай (да 2013-га). У 2003 годзе набыў англійскі футбольны клуб "Чэлсі". Ад таго часу ён жыў у асноўным у Вялікабрытаніі.
Нядаўна стала вядома, што ў Рамана Абрамовіча ўзніклі праблемы з атрыманнем новай брытанскай візы (працэс разгляду яго дакументаў зацягваўся, чаго не было раней). З-за гэтага мільярдэру давялося з'ехаць з гэтай краіны, ён нават не трапіў на фінал Кубка Англіі, у якім гулялі "Чэлсі" і "Манчэстар Юнайтэд". У Абрамовіча была брытанская інвестыцыйная віза. Яе можна атрымаць пасля ўкладання ў эканоміку Вялікабрытаніі не менш 2 млрд фунтаў стэрлінгаў.
Верагодна, на адносіны ўладаў Вялікабрытаніі да Рамана Абрамовіча паўплывала чарговае пагаршэнне расійска-брытанскіх адносін, на гэты раз з-за справы аб атручванні Сяргея Скрыпаля і яго дачкі.
