Крымінальную справу на Сяргея Міхалка не заводзілі
Такую заяву зрабіў сёння начальнік упраўлення па наглядзе за выкананнем заканадаўства і законнасцю прававых актаў Генпракуратуры Павел Радзівонаў.
Ён патлумачыў журналістам, што пракуратура Цэнтральнага раёна Мінска праводзіць праверку па факце выказванняў музыканта ў адрас беларускіх уладаў. На думку прадстаўніка Генпракуратуры, Сяргей Міхалок, як культурны і сучасны чалавек, павінен будаваць творчую дзейнасць на аснове павагі да правоў іншых людзей, інфармуе БЕЛТА.
