Мінская міліцыя "зачышчае" дыскатэкі ў Крупках?
Паводле некаторых звестак, міліцыянты затрымалі некалькі дзясяткаў чалавек.
Як паведамляе ex-Press.by, мінская міліцыя зладзіла "аблавы" ў абодвух кавярнях у Круках ў пятніцу і суботу, 18 і 19 лістапада.
Паводле звестак відавочцаў, міліцыянты ў чорнай форме ўрываліся на дыскатэкі і забіралі хлопцаў. Затрыманых грузілі ў аўтазак. Пры гэтым, нібыта, затрымоўвалі паўналетніх маладых людзей, прычым зусім не п'яных ці тых, хто паводзіў сябе бесцырымонна.
