Суд у Баранавічах доўжыўся... адну хвіліну!
Столькі часу спатрэбілася, каб асудзіць кіраўніка мясцовага штаба па правядзенні Народнага сходу.
Віктара Мезяка выклікалі сёння ў міліцыю, дзе пратрымалі яго паўтары гадзіны. Потым міліцыянты даставілі яго ў суд да дзвярэй кабінета суддзі Аксаны Сарахман. Тая за адну хвіліну вынесла актывісту прысуд — 350 тысяч рублёў (10 базавых велічыняў). Праўда, па словах Мезяка, яго папярэдзілі, “каб не губляўся” — неўзабаве яго збіраюцца судзіць яшчэ па адным пратаколе.
