У Брэсце прайшоў экалагічны флэшмоб (фота)
Моладзь нагадала мінакам пра Міжнародны дзень абароны клімату.
Некалькі дзесяткаў чалавек правялі 15 траўня экалагічны флэшмоб у Брэсце. Хлопцы і дзяўчаты сустрэліся на прызначаным ў сацыяльных сетках месцы — каля ўваходу ў ЦУМ. Адчыніўшы парасоны, яны рушылі па ходніках вуліцы Машэрава, распаўсюджваючы сярод мінакоў інфармацыйныя ўлёткі аб праблемах змены клімату.
"Ідэя акцыі ў тым, каб звярнуць увагу людзей на тое, што калі мы і далей па-спажывецку будзем ставіцца да прыроды, то клімат зменіцца непазнавальна", — сказала Алеся, адна з арганізатарак мерапрыемства.
