Удзельнікі бойкі ў метро атрымалі ад 5 да 15 сутак арышту (Відэа)
Пра гэта паведаміла прэс-служба мінскай міліцыі.
Суд прайшоў у судзе Ленінскага раёна сталіцы. Шасцярых затрыманых прызналі вінаватымі ў дробным хуліганстве. Яны асуджаныя на арышт ад 5 да 15 сутак.
Нагадаем, інцыдэнт адбыўся 19 лістапада. На станцыі метро "Купалаўская" пабіліся каля 15 чалавек. Пры гэтым адзін з удзельнікаў бойкі падарваў петарду. Паводле звестак СМІ, у бойцы ўдзельнічалі фанаты брэсцкага "Дынама" і сталічнага "Мінску".
Міліцыянты затрымалі дзевяцярых удзельнікаў бойкі. Трое з іх выявіліся непаўналетнімі і былі перададзеныя бацькам. Шасцёра з суботы знаходзіліся ў турме на Акрэсціна.
Міліцыянты, аднак, яшчэ вырашаюць, ці не пачаць крымінальную справу па гэтым здарэнні.
