Уладзімір Макей знайшоў для Беларусі яшчэ мільярд долараў
Кіраўнік Адміністрацыі прэзідэнта паведаміў журналістам, што гэтыя грошы будуць атрыманыя “з іншай крыніцы”, не з Антыкрызіснага фонду ЕўрАзЭС.
Паводле яго слоў, яшчэ адзін мільярд долараў будзе атрыманы цягам месяца. У дзяржавы ёсць дастаткова часу і рэзерваў для таго, каб спакойна перачакаць, назіраць за сітуацыяй і па выніках рабіць адпаведныя захады, цытуе Уладзіміра Макея БЕЛТА.
Пры гэтым падпісанне крэдытнага пагаднення з фондам ЕўрАзЭС ужо практычна завершана і грошы бліжэйшым часам паступяць. Нагадаем, што Беларусь павінна атрымаць ад Еўразійскай эканамічнай супольнасці 3 мільярды рублёў цягам трох год. Першы транш крэдыту складзе 800 мільёнаў долараў.
