Шуневіч: Унутраныя войскі Беларусі чакаюць сур'ёзныя змены
Пра гэта заявіў міністр унутраных спраў нашай краіны.
Ігар Шуневіч патлумачыў, якая мэта "сур'ёзных зменаў". Паводле яго слоў, плануецца зрабіць унутраныя войскі "больш сучаснымі, каб яны маглі больш эфектыўна ўплываць на новыя выклікі, рызыкі і пагрозы", паведамляе БЕЛТА.
Нагадаем, нядаўна міністр унутраных спраў заявіў, што беларуская міліцыя блізка да сэрца прыняла падзеі ва Украіне. Шуневіч запэўніў, што ў нашай краіне яны не могуць паўтарыцца: "Органы ўнутраных спраў, вайскоўцы ўнутраных войск гатовыя выканаць любую задачу, для таго, каб прадухіліць эскалацыю любога канфлікту".
На здымку: Аляксандр Лукашэнка ў студзені ўзнагародзіў ордэнам Ігара Шуневіча. Фота — БЕЛТА
