Сканаў адзін з беларусаў, што апынуліся пад завалам паркоўкі ў цэнтры Масквы

Сканаў адзін з чатырох беларусаў, якія пацярпелі ад абвалу падземнай паркоўкі ў цэнтры Масквы. Яшчэ трое пацярпелых дастаўленыя ў лякарні. Нагадаем, раней паведамлялася, што выратавальнікам удалося дастаць з-пад завалаў усіх чатырох беларусаў.

Прычына абвалу падземнай шматузроўневай паркоўкі ў цэнтры сталіцы, хутчэй за ўсё, палягае ў няправільным праектным рашэнні. Пра гэта паведаміла "Інтэрфаксу" высокапастаўленая крыніца ў будаўнічым комплексе Масквы.