Сотні будынкаў у Беларусі "замініраваў" школьнік з расійскага Омска
![Сапёрная машына / gp.by, ілюстрацыйнае фота](/sites/default/files/styles/gallery_main/public/2023-08/sapior-1612.jpg.webp?itok=Wak9xB-o)
Сапёрная машына / gp.by, ілюстрацыйнае фота
17-гадовы школьнік з Омска павеадміў пра "мініраванне" каля 300 будынкаў у Беларусі. За гэта на яго пачалі крымінальную справу, піша "Город55" са спасылкай на Следчы камітэт РФ.
Дарэчы, у Расіі хлопец таксама праходзіць па аналагічнай справе. Там ён паспеў "замініраваць" каля 800 аб'ектаў — школы і шпіталі, дзяржустановы і сілавыя структуры ў розных гарадах. Невядома, чаму падлетак вырашыў не абмяжоўвацца Расіяй, а заняцца таксама і Беларуссю.
Сам школьнік сказаў следчым, што дзейнічаў дзеля помсты аднакласнікам і праз няшчаснае каханне. Так, некаторыя паведамленні пра закладзеную выбухоўку ён дасылаў пад нікам бацькоў адной з сваіх аднакласніц.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.