Справа аўтасалона “Фрэшмотарс” перададзеная ў суд
Галоўнае следчае ўпраўленне цэнтральнага апарата Следчага камітэта завяршыла расследаванне крымінальнай справы ў дачыненні заснавальнікаў і супрацоўнікаў сталічнага аўтасалона “Фрэшмотарс”. Пад вартай цяпер знаходзяцца ўсе пяць фігурантаў справы, у тым ліку кіраўнік.
Як паведамляе прэс-служба Следчага камітэта, атрыманыя доказы, якія дэтальна раскрываюць схему здзяйснення злачынства. Пяцёра мужчын заснавалі прыватныя прадпрыемствы “Авангардхаўз” і “Гул роад”, а затым арганізавалі аўтасалон пад назвай “Фрэшмотарс”. Для дзейнасці, звязанай з куплей-продажам аўтамабіляў, былі арандаваныя офісныя памяшканні і парковачныя месцы ў цэнтры Мінска.
Фігуранты справы прымалі па дамове камісіі аўтамабілі ад грамадзян нібыта для аказання паслугаў па далейшым продажы гэтых машын і выплаце пазначаным у дамове кошце транспартнага сродку па заканчэнні пэўнага тэрміну. Далей зламыснікі вельмі хутка перапрадавалі машыны трэцім асобам, у тым ліку па ніжэйшым кошце, чым быў пазначаны ў дакументах.
Ранейшым уладальнікам грошы або не вярталіся, або не кампенсавалася толькі частка ад кошту аўтамабіля. Такія абставіны гаспадары аўтасалона тлумачылі фінансавымі цяжкасцямі. Атрыманыя сродкі яны трацілі на свае мэты.
Дзейнасць салона “Фрэшмотарс” разгортвалася з траўня 2014 па красавіка 2015 года. Следства выявіла 164 факты завалодання аўтамабілем шляхам махлярства, 162 чалавекі прызнаныя пацярпелымі па крымінальнай справе. Сума шкоды ацэньваецца ў 2 615 000 дэнамінаваных рублёў. Удалося знайсці 160 перапраданых аўтамабіляў, на грашовыя сродкі абвінавачаных накладзены арышт.
Абвінавачанні выстаўленыя пяці мужчынам, у тым ліку заснавальніку “Авангардхауз”, які з’яўляўся кіраўніком арганізаванай групы. Дзеянні ўсіх фігурантаў справы падпадаюць пад ч.4 арт.209 (махлярства, здзейсненае арганізаванай групай і ў асабліва буйным памеры) КК.
Справа накіраваная ў суд.
