Стала вядома, для каго ў Беларусі будзе абавязковым чыпіраванне жывёлаў
Ад масавага чыпіравання катоў і сабак пакуль адмовіліся / pixabay.com
28 лютага Палата прадстаўнікоў прыняла ў другім чытанні законапраект "Аб адказным абыходжанні з жывёламі". Раней прадугледжвалася, што чыпіраванне хатніх гадаванцаў у Беларусі стане абавязковым. Але новаўвядзенне адклалі. Як паведамляе БЕЛТА, улічылі "шматлікія просьбы грамадзян, асабліва якія пражываюць у сельскай мясцовасці".
У выніку ў законапраекце "прапануецца замацаваць не абавязак, а права ўладальніка на чыпіраванне свайго гадаванца". Аднак "у мэтах паступовага пераходу да масавага чыпіравання сабак і катоў прадугледжваецца абавязак для заводчыкаў і гадавальнікаў чыпіраваць прыплод да яго продажу". Адпаведны парадак вызначыць урад.
