Сталы савет АБСЕ абмяркуе сітуацыю ва Украіне
У апошнія дні абстаноўка на ўсходзе Украіны абвастрылася.
Сербская дэлегацыя, якая старшынствуе ў АБСЕ, склікала спецыяльнае пасяджэнне Сталага савета арганізацыі па сітуацыі ва Украіне. Як паведамілі ТАСС у прэс-службе АБСЕ, мерапрыемства запланавана на 19 жніўня.
Плануецца, што на ім з дакладам выступіць кіраўнік спецыяльнай маніторынгавай місіі (СММ) Эртугрул Апакан. Ён таксама праінфармуе прадстаўнікоў 57 краін аб намаганнях самой СММ па назіранні і стварэнні ўмоў для ўрэгулявання канфлікту.
У апошнія дні, згодна са справаздачамі місіі назіральнікаў, павялічылася колькасць парушэнняў перамір'я ў Данбасе, ад абстрэлаў зноў гінуць мірныя жыхары.
Фота з архіву
