Стан дзяцей, якія пацярпелі ў аварыі ў Лельчыцах, стабілізавалі
![Разбітыя ў ДТЗ Nissan і Volkswagen / МУС](/sites/default/files/styles/gallery_main/public/2023-07/l001.jpg.webp?itok=Mr06V13V)
Разбітыя ў ДТЗ Nissan і Volkswagen / МУС
Стан пяці дзяцей, якія пацярпелі ў аварыі ў Лельчыцах, стабілізавалі. Траіх з іх (двух дзяўчынак і хлопчыка) "перавялі на абласны ўзровень" — у Гомельскую абласную дзіцячую бальніцу. Калі будзе дазваляць стан іншых дзяўчынак, іх таксама перавязуць у абласны цэнтр, паведамляе Мінаховы здароўя.
Здарэнне адбылося ўвечары 25 ліпеня. З адной з вёсак сёстры ва ўзросце 14 і 15 гадоў разам з сяброўкамі 13-14 гадоў на таксоўцы паехалі ў раённы цэнтр — запланавалі пакупкі. Аднак у Лельчыцах таксіст не справіўся з кіраваннем і выехаў на паласу сустрэчнага руху. Там адбылося сутыкненне з іншым легкавіком. У бальніцу завезлі двух кіроўцаў і 5 пасажыраў — згаданых дзяўчынак і 7-гадовага хлопчыка з іншага аўтамабіля (ён быў у дзіцячым утрымліваючым прыстасаванні). Дзяцей шпіталізавалі ў Лельчыцах ў рэанімацыю, а дарослых — у хірургію. У іх чэрапна-мазгавыя траўмы, пераломы, пашкоджанні. Уначы двум дзяўчынкам зрабілі аперацыі.
У дачыненні 19-гадовага кіроўцы таксоўкі распачалі крымінальную справу.
![Стан дзяцей, якія пацярпелі ў аварыі ў Лельчыцах, стабілізавалі](/sites/default/files/styles/default_image_paragraph/public/paragraphs/image/88_20.jpg.webp?itok=wjA0PWsi)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.