Студэнтам Палескага ўніверсітэта давядзецца самім здымаць жыллё

Кіраўніцтва Палескага дзяржаўнага ўніверсітэта прызнала, што ў наступным навучальным годзе ўпершыню некаторыя студэнты будуць самі здымаць сабе жыллё.
З такой з’явай студэнты сутыкнуцца ўпершыню з моманту заснавання ВНУ. Рэч у тым, што да гэтага года ўсе навучэнцы на 100 адсоткаў былі забяспечаны інтэрнатамі.

Кіраўніцтва ПДУ сцвярджае, што праз 2 гады будзе пабудавана студэнцкая вёска з інтэрнатамі на 5 тысяч чалавек.

Палескі дзяржаўны ўніверсітэт быў заснаваны у Пінску ў 2006 годзе, асноўным фундатарам з’яўляецца Нацыянальны Банк Беларусі.

На 1 верасня 2008 года ва ўніверсітэце навучаліся каля 4 тысяч студэнтаў.