Супрацоўніца салона прыгажосці збегла праз акно, калі ў офіс прыйшлі падаткавікі

Супрацоўніца мінскага салона прыгажосці, каб унікнуць размовы з супрацоўнікамі падатковай інспекцыі, пакінула офіс праз акно. Падаткавікі прыйшлі ў салон з праверкай, расказалі ў сталічнай інспекцыі Міністэрства падаткаў і збораў.

Салон знаходзіцца на першым паверсе, таму дзяўчына меркавана не пацярпела. Вядома, што праблемы паўсталі ў прадпрыемства. Правяральнікі высветлілі, што ў салоне рабілі лазерную эпіляцыю, а спецыяльнага дазволу на аказанне медыцынскіх паслуг не мелі. Якое менавіта пакаранне цяпер чакае адміністрацыю салона, у падатковай не расказалі. Але параілі кліентам цікавіцца наяўнасцю ліцэнзіі ў спецыялістаў, чыімі паслугамі яны карыстаюцца.