У Барысаве пры сутыкненні з гідрацыклам патануў мужчына
Трагічны выпадак здарыўся ў нядзелю, 26 чэрвеня, у Барысаве.
Увечары, каля 18-й гадзіны, як інфармуе Мінскае абласное ўпраўленне МНС, ратавальнікі атрымалі паведамленне, што на рацэ Бярэзіне пры сутыкненні з гідрацыклам "Ямаха XL-1200" патануў чалавек.
Патанулага ратавальнікі знайшлі і дасталі з вады. Паведаляецца, што гэта 32-гадовы беспрацоўны мужчына.
