У беларуса тройчы стралялі на вуліцы ў Бельгіі — незразумела, хто і навошта
![Бельгія, Бруге / фота ілюстрацыйнае](/sites/default/files/styles/gallery_main/public/2023-11/brugge-5278796_1920.jpg.webp?itok=70lVfaCp)
Бельгія, Бруге / фота ілюстрацыйнае / pixabay
У 33-гадовага беларуса тройчы стралялі ў Бельгіі, калі ён курыў на вуліцы каля дзвярэй свайго дома, піша выданне "Беларусы і свет" са спасылкай на мясцовыя СМІ.
Паводле звестак праваахоўнікаў, інцыдэнт адбыўся ў муніцыпалітэце Усходняя Фландрыя. Сам беларус кажа, што невядомы малады чалавек, праязджаючы міма на ровары, звярнуўся да яго на англійскай мове, а затым зрабіў у яго бок тры стрэлы.
Пацярпелага даставілі ў бальніцу святой Лізаветы ў найбліжэйшым горадзе Зотэгем. У яго зафіксавалі два раненні ў нагу і неўзабаве дазволілі пайсці дадому.
Пракуратура пакуль не можа назваць матыў стралка.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.