У Беларусі пачалі сур'ёзна рыхтавацца да зімы
Такую задачу паставіў на пасяджэнні прэзідыума Савета міністраў прэм'ер Міхаіл Мясніковіч.
Урад разглядаў падрыхтоўку да будучай зімы. Мясніковіч запатрабаваў ад прысутных з усёй адказнасцю падысці да гэтай справы. Ён нагадаў, што, нягледзячы на праведзеную працу, штогод у халодны перыяд выяўляюцца "прыкрыя выпадкі недапрацоўкі: то найбуйнейшая цеплатраса паляціць, то ўзнікаюць пытанні з энергакрыніцамі".
Прэм'ер-міністр звярнуў увагу на "халатнасць кадраў на месцах, пра фармальны падыход", інфармуе БелаПАН.
