У Беларусі пачалі выпуск драўляных ровараў
У Беларусі асвоілі выраб ровараў, рама ў якіх зробленая з дрэва — бярозы або ясеню. Выпускам іх занялася кампанія, якая спецыялізуецца на вытворчасці драўляных дзвярэй. Усе ровары вырабляюцца ўручную.
Вага такога драўлянага вырабу складае 21 кілаграм. Ровар з бярозы будзе каштаваць 1890 рублёў, а з ясеню — 2290 рублёў. Гарантыя на тавар — пяць гадоў.
Вытворцы спасылаюцца на гістарычныя прыклады драўляных ровараў у Беларусі. Такія вырабы вядомыя ў першай палове ХХ стагоддзя. У прыватнасці, ровар 1933 года захоўваецца ў пінскім Музеі беларускага Палесся.
