У Беларусі заўважылі чарговую аўтакалону вагнераўцаў
![Калона вагнераўцаў у РФ перад уездам у Беларусь / Telegram](/sites/default/files/styles/gallery_main/public/2023-08/250_0.jpg.webp?itok=nVhH_9oO)
Калона вагнераўцаў у РФ перад уездам у Беларусь / Telegram
У Беларусі заўважылі чарговую аўтакалону вагнераўцаў. Яна рухаецца па трасе М5 з боку Бабруйска ў Асіповіцкі раён, дзе знаходзіцца вядомы намётавы лагер "для тэрабароны". Як піша @Hajun_BY, у складзе калоны не менш за два дзясяткі аўтамабіляў розных мадыфікацый. Ёсць легкавікі, грузавікі, аўтобусы, будаўнічая тэхніка. На іх усталяваныя расійскія сцягі і сімволіка ПВК "Вагнер".
Мяркуецца, што з 11 ліпеня ў Беларусь заехала як мінімум трэцяя аўтакалона вагнераўцаў. Усе яны першапачаткова рухаюцца на Асіповічы. Там вагнераўцы днямі трэніравалі падраздзяленні мясцовай тэрабароны.
Мінабароны РБ у пятніцу заявіла, што з кіраўніцтвам вагнераўцаў выпрацавала "дарожную карту на бліжэйшую перспектыву". У ёй ідзе гаворка пра падрыхтоўку беларускіх вайскоўцаў і "перадачу вопыту паміж падраздзяленнямі розных родаў войскаў".
Ва Украіне не выключаюць, што вагнераўцаў у Беларусі могуць скарыстаць для правакацый. І сапраўды, у Маскве ўжо гучаць заявы, што найміты патрэбныя ў Беларусі, каб "у выпадку чаго" хутка захапіць... Сувалкскі калідор.
![У Беларусі заўважылі чарговую аўтакалону вагнераўцаў](/sites/default/files/styles/default_image_paragraph/public/paragraphs/image/99_8.jpg.webp?itok=waf6Al2y)
![У Беларусі заўважылі чарговую аўтакалону вагнераўцаў](/sites/default/files/styles/default_image_paragraph/public/paragraphs/image/555_14.jpg.webp?itok=2N708Tl6)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.