У чацвер у Беларусі прагназуюць дождж з пераходам у снег
![Лістапад](/sites/default/files/styles/gallery_main/public/2023-11/prahn-1511.jpg.webp?itok=d22y1lbD)
Лістапад / pixabay.com
У чацвер, 16 лістапада, у Беларусі чакаецца пераважна воблачнае надвор'е, паведамляе Белгідрамет.
На большай частцы тэрыторыі краіны пройдуць ападкі — дождж з пераходам у снег. Месцамі па краіне прагназуюцца слабыя туман і галалёд, на асобных участках дарог будзе галалёдзіца. У сувязі з гэтым сіноптыкі абвясцілі жоўты ўзровень небяспекі. Вецер чакаецца паўночны ўмераны.
Тэмпература паветра на працягу сутак складзе ад -1 да +5, уначы па поўначы Беларусі будзе да -3.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.