У чацвер у Беларусі пройдуць моцныя дажджы і навальніцы

У чацвер, 14 верасня, у Беларусі чакаюцца ападкі — кароткачасовыя дажджы. Уначы — на захадзе краіны, а раніцай і ўдзень  — на большай яе частцы (месцамі — моцныя дажджы). У асобных раёнах прагназуюцца навальніцы. Падчас іх магчымае ўзмацненне ветру з парывамі да 15-20 м/с.

У начныя гадзіны тэмпература паветра складзе ад +9 да +15 градусаў (у Мінску — ад +12 да +14, на захадзе — да +19), у дзённыя гадзіны — ад +18 да +24 (у сталіцы — ад +18 да +20, на Гомельшчыне — да 27 цяпла).