У Чаркаскай вобласці Украіны пахавалі загінулага беларускага добраахвотніка
Падчас пахавання / t.me/belpolk_pagonya
У Чаркаскай вобласці Украіны ў Тарноўскай гарадской тэрытарыяльнай грамадзе пахавалі загінулага беларускага добраахвотніка. Аляксею Вешчавайлаву з пазыўным "Жнец" быў 31 год. У яго засталася жонка і маленькае дзіця.
"Менавіта тут загадаў пахаваць сябе наш баявы сябра Жнец, — піша прэс-служба "Пагоні". — Менавіта тут быў пахаваны яго пабрацім, з якім яны разам баранілі незалежнасць Украіны ў 2016 годзе".
Беларус ваяваў ва Украіне яшчэ з 2016-га, пасля вярнуўся ў Беларусь, быў асуджаны. У 2021-м вярнуўся ва Украіну. Сёлета ён уступіў у "Пагоню", быў кулямётчыкам. Разам з групай байцоў увайшоў у склад ўкраінскай Першай асобнай брыгады спецыяльнага прызначэння імя Багуна. "Жнец" загінуў 26 верасня пад Бахмутам.
Аляксея пахавалі 2 кастрычніка. Кіраўнік тэрытарыяльнай грамады піша, што "светлая памяць пра Героя заўжды будзе жыць сярод нас".
