У Ганцавічах у паліклініку для абследавання двойчы выклікалі нябожчыцу

Другі раз за апошнія два гады выклікалі лістом у Ганцавіцкую паліклініку для абследавання... нябожчыцу Святлану Ткачэнка. Пра гэта паведамляе газета “Ганцавіцкі час”, якая спасылаецца на словы яе мужа.
Між тым, маладая жанчына памерла шэсць гадоў таму. Мужчына адзін выхоўвае дваіх дзяцей. Так атрымалася, што апошні раз ліст са шпіталя спачатку прачыталі непаўналетнія дзеці.