У Гомелі пачалі разглядаць справу пра снегавіка-"пікетоўшчыка"

Адміністрацыйную справу разглядала суддзя Тамара Застаўнецкая. Яе цікавіла, ці быў бачны снегавік з вуліцы. Па словах мужчыны, снегавіка з шалікам здымалі не толькі суседзі, але і нейкія "нехарошыя людзі": "Падбегла нейкая маладая дзяўчына... зняла снегавіка і ўцякла. Відаць, яна і данесла ў міліцыю".

Качалаў даказваў у судзе, што "палітычных мэтаў не высоўваў", нічога не крычаў. А жонка сцёрла надпіс і забрала ў снегавіка шалік. Але было ўжо запозна — "правапарушэнне" зафіксавалі. Тым не менш, справу накіравалі на дапрацоўку.