У Гомелі шасцігадовы хлопчык трапіў нагой у яму з гарачай вадой
![У Гомелі шасцігадовы хлопчык трапіў нагой у яму з гарачай вадой](/sites/default/files/styles/gallery_main/public/2023-08/homiel-2407-1.jpg.webp?itok=nvFT4kB3)
Каля 19-й гадзіны 23 ліпеня гомельскія ратавальнікі атрымалі паведамленне, што ў лякарню трапіла дзіця з апёкамі. Шасцігадовы хлопчык атрымаў траўмы ў выніку прарыву трубы гарачага водазабеспячэння ў раёне вуліцы Царыкава, перадае прэс-служба МНС.
Паведамляецца, што хлопчык бегаў па зялёнай зоне і вырашыў пераскочыць яму з гарачай вадой, якая ўтварылася пры прарыве трубы. Але пераскочыць хлопчыку не ўдалося — нага дзіцяці трапіла ў гарачую ваду. Хлопчыка даставілі ў лякарню з апёкамі 1-3-й ступеняў 15% цела.
Аварыйная брыгада Гомельаблцепласетак перакрыла трубу ў 21.30, ваду з ямы адкачалі.
Ратавальнікі падкрэсліваюць, што работы па аднаўленні пашкоджанага ўчастка трубы мусіць правесці ўласнік.
![У Гомелі шасцігадовы хлопчык трапіў нагой у яму з гарачай вадой](/sites/default/files/paragraphs/image/homiel-2407-2.jpg)