У Гродзенскім раёне немаўля атруцілася чадным газам
У Гродзенскім раёне ад чаднага газу пацярпела малалетняе дзіця.
Як інфармуе прэс-служба Гродзенскага абласнога ўпраўлення МНС, 14 сакавіка ратавальнікі атрымалі паведамленне пра шпіталізацыю дзяўчынкі 2015 года нараджэння. З дыягназам "атручэнне чадным газам" яе даставілі ў дзіцячую абласную лякарню Гродна.
Маці дзяўчынкі і дваім яе сваякам шпіталізацыя не была патрэбная. Сям'я жыве ў аграгарадку Верцялішкі Гродзенскага раёна.
Меркаванай прычынай атручвання называецца адсутнасць цягі ў трубе газавай калонкі.
