У Лагойскім раёне ў сіласе загінуў рабочы сельгаспрадпрыемства
Рабочы выпраўляў непаладку / t.me/skgovby/
У Лагойскім раёне ў сіласе загінуў рабочы сельгаспрадпрыемства. Ён выпраўляў непаладку ў вежы для захоўвання збожжа, спатыкнуўся і ўпаў на часткі гарызантальнага шнека, якія круціліся. Мужчына атрымаў цяжкія траўмы і памёр.
Як паведамляе Следчы камітэт, трагічнае здарэнне адбылося 15 траўня ў вёсцы Гайна. Загінуламу было 56 гадоў. СК праводзіць праверку.
