У Ляхавічах эфектна ўзарвалі аварыйную воданапорную вежу
![У Ляхавічах эфектна ўзарвалі аварыйную воданапорную вежу](/sites/default/files/styles/gallery_main/public/2023-08/vezha_liax.png.webp?itok=OiOIPZv1)
У Ляхавічах дэмантавалі старую воданапорную вежу з выкарыстаннем выбухоўкі. Збудаванне было ўзведзена ў 1972 годзе, але даўно знаходзілася ў аварыйным стане і не эксплуатавалася з 2015 года. Вежа ўяўляла сабой канструкцыю вышынёй у 37 метраў, з акружнасцю апоры 13 метраў і таўшчынёй сценаў 64 см. На вяршыні вежы быў усталяваны металічны рэзервуар аб’ёмам 200 кубаметраў.
Дэмантажныя працы выконвалі супрацоўнікі МНС з прыцягненнем узрыватэхнічнай службы. Вежу знеслі 2 сакавіка з датрыманнем усіх правілаў бяспекі, паведамляе Брэсцкае абласное ўпраўленне МНС.