У Магілёве ў гонар гадавіны вайны спынілі транспарт (Фота)

Сёння а 12-й гадзіне супрацоўнікі ДАІ ва ўсім Магілёве спынілі рух аўтатранспарту. Адначасна з мноства дынамікаў прагучала музыка 1940-х.
Так прайшла хвіліна маўчання ў рамках праграмы "звон жалобы" ў дзень агульнанароднай памяці ахвяраў 2-й Сусветнай вайны.

Большасць кіроўцаў да "хвіліны" былі непадрыхтаваныя. Пасля прастою шмат хто нават не зразумеў, у чым справа.