У Маскве затрыманы беларус з самаробнымі выбуховымі прыстасаваннямі

Жыхара Беларусі з трыма выбуховымі прыстасаваннямі затрымалі ў Маскве. Як паведамляе БелаПАН, аперацыю праводзілі супрацоўнікі крымінальнага вышуку аддзела ўнутраных спраў Паўднёва-Заходняй акругі расійскай сталіцы.
Вядома, што затрыманаму 44 гады, ён - жыхар Магілёўскай вобласці. Самаробныя выбуховыя прыстасаванні аказаліся вельмі малой магутнасці.