У міліцыі прызнаюць, што крадзяжоў маёмасці сельгасарганізацый стала больш
Міліцыя атрымала заданне змагацца з крадзяжамі ў сельгасарганізацыях / braslav-star.by
У міліцыі прызнаюць, што ў Беларусі крадзяжоў маёмасці сельгасарганізацый стала больш. "Прафілактыка", якую праводзяць сілавікі, пакуль не дае выніку — здарэнні фіксуюцца ўсё часцей і часцей, піша braslav-star.by. Працаўнікоў сельгасарганізацый праз раённую газету папярэджваюць пра адказнасць (у тым ліку і крымінальную), якая пагражае за крадзяжы.
Найчасцей міліцыя паведамляе пра выяўленае ў механізатараў скрадзенае паліва — яго выносяць сотнямі літраў. Камбікорм цягнуць сотнямі кілаграмаў, збожжа — тонамі.
Нядаўна Аляксандр Лукашэнка зноў пагражаў працаўнікам сельгасарганізацый больш жорсткімі мерамі за крадзяжы.
