У Мінадукацыі расказалі, на колькі падаражэе харчаванне ў садках і школах

Харчаванне ў дзіцячых садках і школах у гэтым навучальным годзе падаражэе на 9-13%, піша БЕЛТА са спасылкай на намесніка міністра адукацыі Аляксандра Кадлубая.

Харчаванне ў дзіцячых садках падаражэе ў сярэднім на 10%: у яслях — да Br3,2 у дзень, у санаторных садках і групах для дзяцей 3-7 гадоў са знаходжаннем 12-24 гадзіны — да Br6,5.

Кошт харчавання школьнікаў таксама павялічыцца — у сярэднім на 11%.

Раней чыноўнікі расказвалі, што ў школьным меню сёлета з'явяцца новыя стравы — у тым ліку, мітбол з рыкотай і пірог з цёртымі ягадамі.