У Мінску сотні шматкватэрных дамоў былі без гарачай вады (відэа)
25 верасня ў сталіцы адбылася аварыя ў кацельні.
А 9-й гадзіне ў раённай кацельні "Курасоўшчына" тэхналагічная абарона адключыла адзін з вадагрэйных катлоў, бо паменшыўся ціск вады ў трох цепламагістралях. Без гарачага водазабеспячэння засталіся мікрараёны Паўднёвы Захад, Малінаўка і Курасоўшчына — агулам 423 жылыя шматкватэрныя дамы, 34 садкі і 26 школаў, адзначае БЕЛТА.
Ужо праз 50 хвілін гарачае водазабеспячэнне мікрараёнаў Паўднёвы Захад і Малінаўка было адноўленае за кошт рэзервовых ліній. Але ў Курасоўшчыне без гарачай вады амаль 7 гадзін заставаліся 215 жылых шматкватэрных дамоў, 21 садок і 13 школ.
Прычынай адключэння катла стаў прарыў металічнага калектара дыяметрам 500 мм у кацельні "Курасоўшчына".
Фота — adt.by