У Мінску падчас экстранага тармажэння тралейбуса загінуў 84-гадовы пасажыр
![На месцы трагічнага здарэння / t.me/skgovby](/sites/default/files/styles/gallery_main/public/2023-08/Tra.jpg.webp?itok=a27KcpMZ)
На месцы трагічнага здарэння / t.me/skgovby
У Мінску падчас экстранага тармажэння тралейбуса загінуў 84-гадовы пасажыр. Як паведамляе прэс-служба Следчага камітэта, трагічнае здарэнне адбылося раніцай 8 лістапада на вуліцы Кунцаўшчына (недалёка ад станцыі метро "Каменная Горка"). Кіроўца аўтамабіля Volkswagen пры павароце з вуліцы не прапусціў грамадскі транспарт. Кіроўца тралейбуса, калі пабачыла перашкоду, выкарыстала экстраннае тармажэнне. Адзін з пасажыраў у гэты момант упаў у салоне. Ад атрыманых траўмаў ён памёр.
На месцы працавала следча-аператыўная група, эксперты і даішнікі. Пакуль яны праводзяць праверку. Верагодна, пазней СК паведаміць пра распачатую крымінальную справу.
![У Мінску падчас экстранага тармажэння тралейбуса загінуў 84-гадовы пасажыр](/sites/default/files/styles/default_image_paragraph/public/paragraphs/image/333_13.jpg.webp?itok=A-em-2jI)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.