У Мінску затрымалі ўдзельніцу сённяшняй акцыі на Кастрычніцкай плошчы

У аўторак у Мінску на Кастрычніцкай плошчы прайшла несанкцыянаваная акцыя ў падтрымку палітвязняў. У ёй удзельнічала каля дзясятка чалавек. Міліцыянеры іх не затрымлівалі, толькі здымалі на відэа. Як інфармуе Радыё Свабода, затрыманні пачаліся пазней. Вольгу Мікалайчык схапілі каля яе дома. Максім Вінярскі дома так і не з'явіўся. Некалькі чалавек, у тым ліку Павел Севярынец, былі затрыманыя прэвентыўна, яшчэ да пачатку акцыі.