У Нідэрландах знайшлі забітага дальнабойніка з Беларусі
![У Нідэрландах забілі беларуса](/sites/default/files/styles/gallery_main/public/2023-11/dalnaboj-0311_1.jpg.webp?itok=BLxAu3Mf)
У Нідэрландах забілі беларуса / Perry Roovers / SQ Vision
У Нідэрландах на мяжы з Бельгіяй знайшлі забітага дальнабойніка з Беларусі, перадае "Белсат" са спасылкай на мясцовую прэсу.
Паведамляецца, што 25-гадовы мужчына загінуў 21 кастрычніка пасля нажавога ранення. Яго сваякоў паінфармавалі аб трагедыі.
Па звестках паліцыі, сведкам смерці стаў кіроўца грузавіка. Ён пабачыў, як чалавек хістаецца на паркоўцы каля запраўкі: "Мужчына паваліўся на зямлю. Службы экстранай дапамогі не змаглі выратаваць пацярпелага".
Інцыдэнт здарыўся на станцыі для грузавікоў, дзе часта начуюць дальнабойнікі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.