У Петрыкаўскім раёне на юнака ўпала бочка з вадой вагой больш за тону
У Петрыкаўскім раёне на юнака ўпала бочка з вадой вагой больш за тону. Яна прыціснула 14-гадовага хлопца, ён атрымаў шматлікія траўмы.
Як пішуць "Петрыкаўскія навіны", здарэнне адбылося на мінулым тыдні ў адной з вёсак раёна. Унук прыехаў з Гомеля на вакацыі да бабулі. У згаданай бочцы збіралася вада для паліву агарода. Яе фіксавалі драўляныя брусы. Адзін з іх хлопец выпадкова закрануў, калі сядзеў побач. Пасля гэтага бочка і ўпала на яго.
Пацярпелы знаходзіцца ў бальніцы.
