У пятніцу дажджы і навальніцы пройдуць пераважна на ўсходзе Беларусі
![Дажджы ў верасні](/sites/default/files/styles/gallery_main/public/2023-09/parason.jpg.webp?itok=5rkrdSwo)
Дажджы ў верасні / pixabay.com
Уначы і раніцай у пятніцу, 15 верасня, кароткачасовыя дажджы, а месцамі і навальніцы, пройдуць па ўсходняй палове Беларусі. У дзённыя гадзіны пераважна без ападкаў. Сіноптыкі папярэджваюць, што ў асобных раёнах магчымы туман.
У начныя гадзіны тэмпература паветра складзе ад +6 да +12 градусаў (на ўсходзе — да +15, у Мінску — ад +8 да +11), удзень — ад +16 да +22 (у сталіцы — 18-20 цяпла).
У суботу і нядзелю будзе пераважна без ападкаў (толькі 17 верасня на захадзе краіны магчымыя дажджы). Тэмпература паветра ў суботу ўдзень складзе ад +17 да +24, у нядзелю — ад +20 на Віцебшчыне да +28 на Брэстчыне. У пачатку наступнага тыдня істотна ўмовы надвор'я не зменяцца.
![У пятніцу дажджы і навальніцы пройдуць пераважна на ўсходзе Беларусі](/sites/default/files/styles/default_image_paragraph/public/paragraphs/image/N01.jpg.webp?itok=tuXAG7BO)
![У пятніцу дажджы і навальніцы пройдуць пераважна на ўсходзе Беларусі](/sites/default/files/styles/default_image_paragraph/public/paragraphs/image/N02.jpg.webp?itok=diWiTVEa)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.